BASES DO IX CONCURSO "FÁLANOS DA TÚA AVOA"

Compartir

BASES

IX CONCURSO DE REDACIÓNS

"FÁLANOS DA TÚA AVOA"

1. A Concellería de Igualdade do Concello de Poio convoca o IX Concurso de redaccións "Fálanos da túa avoa " que ten por obxecto coñecer a historia das mulleres do noso pobo e certificar que as mesmas tamén fixeron e fan historia.
 
 
2.  Poderán concorrer ao alumnado do IES de Fontenla do Concello de Poio, dos cursos dende 1º a 4º. A redación deberá ser inédita (non presentada anteriormente a outros concursos), os textos estarán escritos en lingua galega e a extensión non excederá de dous folios. Serán asemesmo anónimas, co nome dos/as autores/as en sobre pechado. O tema estará relacionado co título do concurso: "Fálanos da túa avoa" e poderá ser presentada preferiblemente cunha fotografía da vosa avoa .
 
 
3. O centro realizará unha seleción previa dos traballos presentados, podendo enviar un máximo de tres redacións por curso ó Centro de Información A muller do Concello de Poio, sito na Casa Rosada. Concursarán os textos recibidos ata o 22 de febreiro do 2013. Só se aceptará unha redación por alumno/a.
4.  Haberá primeiro premio, segundo e terceiro, que recibirán:

                        

                                      1º premio: IPOD

                                      2º premio: cámara dixital

                                      3º premio: material escolar

         O xurado avaliará a posibilidade de editar unha publicación específica que recolla as obras máis sobresaíntes, deste e doutros vindeiros anos de concurso.

 

  5. Este ano o xurado estará composto polos membros integrantes do Consello Municipal da  Muller que será convocado de forma extraordinaria para o mes de febreiro. Actuará como secretario/a un/ha traballador/a do Concello, que terá voz pero non voto. O xurado reunirase para resolver o concurso a semana do 25 de febreiro e fará público o seu veredicto ao Instituto no mesmo día.

 

  6. A concelleira de Igualdade queda facultada para resolve-las posibles eventualidades que poidan xurdir no desenvolvemento deste concurso e que non estean previstas nestas bases.

 

   7. Os criterios de valoración para elixir ós e ás premiados/as serán os seguintes: contido, tratamento do tema, orixinalidade, calidade literaria.

    8. A entrega dos premios realizarase en data e lugar que determinará o Concello.

　

Poio 15 de xaneiro de 2013.